Kigali-(SONNA)-Ra’iisul wasaare ku xigeenka Itoobiya ahna wasiirka arimaha dibadda Demeke Mekonne, ayaa saakay maagalada Kigali ee xarunta Rwanda kula kulmay madaxweynaha dalkaasi Paul Kagame.
Waxaa ayna ka wada hadleen xaaladda gobalka Tigreega ee waqooyiga Itoobiya halkaas oo dagaal socda 15 cisho uu ku dhaxmarayo ciiidanka dowladda iyo kuwa is-maaulka Tigreega.
Madaxweyne Kagame ayaa muujiyay sida loogu baahan yahay in nabadda iyo xasiloonida la soo celiyo oo xiisada la qaboojiyo.
Demeke Mekonne ayaa sheegay in kooxda TPLF ay ku xadgudbeen dastuurka Itoobiya, iyagoo oo doorasho aan sharci ahayn qabsaday.
Wuxuuna tilmaamay in ay dalka ka abuureen colaad iyo rabashado islamarkaana ay shaki galiyeen sharciyada dowlada dhexe kadib markii ay weerareen taliska waqooyi ee ciidanka Itoobiya .
Ra’iisul wasaare ku xigeenka Itoobiya ayaa wada dadaal uu madaxda Afrika ku qancinayo in waxa ka socda Itoobiya ay yihiin howlgal sharciga lagu soo celinayo, waxaa uuna horay u booqday waddamada Kenya iyo Uganda halkaas oo uu kula kulmay madaxda hogaamisa.
