Muqdisho, Oktoobar 24 2020(SONNA)- Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble oo golaha Shacabka horgeeyay xubnaha cusub iyo qorshaha golaha Xukuumadda ayaa xusay in barnaamijka Xukuumaddu ay saldhig u yihiin arrimaha hortabinta u leh dalka oo ay ugu horreyso qabsoomidda doorashooyinka, adkaynta amniga, horumarinta caddaaaladda, dowlad-wanaagga, kordhinta adeegyada aas-aasiga ah ee bulshada.
Raโiisul Wasaare Rooble ayaa sheegay in xukuumaddiisu ay wadajir ugala shaqaynayso dowladaha xubnaha ka ah DF iyo shacabka Soomaaliyeed suggidda aminga xilliga doorashadda, iyadoo laga amba-qaadayo goโaannadii ka soo baxay shirarkii Samareeb iyo midkii ka danbeeyey ee Golaha Wadatashiga Qaranka ay ku heshiiyeen Muqdisho, 17kii Sebtember 2020, laguna qeexayay qaabka doorashooyinka, ergooyinka, deegaan doorashada, qoondada haweenka iyo in ay doorashooyinku ay ku dhacaan waqtigooda.
โXukuumadda oo kaashanaysa dowladaha xubnaha ka Ah DF, waxay dardar-gelinaysaa dadaallada dhammaystirka dib-u-eegista qorshaha Amniga ee xilligan muhiimka ah. Waxa aan shaki ku jirin in fulinta qorshahaan uu siin-doono shacabka, hayโadaha dowladda iyo ciidamada amniga fursad ay si wadajir ah u sugayaan xasilloonida iyo nabadda dalkaโayuu yiri ra’iisalwasaare Rooble.
Raโiisul Wasaaraha Xukuumadda Soomaaliya wuxuu uga mahadceliyay golaha shacabiga ansixinta xukuumadda iyo barnaamijkeeda, si ay u gutaan shaqooyinka adag ee laga sugayo, wuxuuna cadeeyay in xukuumaddiisa ay mudnaan gaar ah siin doonto wax ka qabashada xadgudubyada ka dhanka ah qaybaha bulshada ee nugul.
