Muqdisho(SONNA) Iyadoo maalmihii la soo dhaafay roobabkii ka daโay magaalada Muqdisho ay biyo fariisin ka sameeyeen qeybo kamid ah magaalada Muqdisho ayaa hadan waxaa barbar socday olole nadaafadeed oo dib loogu soo celinayo bilicda waddooyinka magaalada Muqdisho.
Shaqaalaha waaxda nadaafadda gobolka Banaadir oo uu hoggaaminayay agaasime C/casiis Goodax barre ayaa lagu arkayay qeybo kamid ah wadopoyinka magaalada Muqdisho iyagoo qaadaya qashinka iyo carada,taasi oo qeyb kamid ha ka dhalatay roobkii ka daโay Muqdisho.
Agagaarka Tiyaatarka Qaranka ayaa waxaa gelinkii dambe ee maanta laga sameeyey olole balaaran oo lagu nadiifinaya wadada,iyadoo muuqaal ahaan isbedel weyn uu kajiro haatan.
Agaasimaha Nadaafadda Gobolka Banaadir C/casiis Goodax Barre ayaa Wakaaladda SONNA u sheegay in ay ka goโantahay sidii ay kaalin muuqata uga qaadan lahaayeen dib u soo celinta bilicda caasimadda,wuxuuna xusay in ay ku guuleysteen in wax badan ay ka bedelaan bilicda Caasimadda Muqdisho.
Dhanka kale agaasimaha arrimaha bulshada ee madaxtooyada Qaranka mudane Xuseen Yuusuf Cali oo tagay wadada hor marta Tiyaatarka oo howlahaasi nadaafadda ah ka socda ayaa maamulka iyo shaqaalaha ku howlan shaqadaasi amaan iyo bogaadin u jeediyay,isagoo xusay in muhiim ay tahay in laga shaqeeyo horumarka bulshada
Inta badan xili roobaadka ayaa waxaa dhacda in waddooyinka qaar ee magaalada ay biyo fariisin ka sameysmaan,taasi oo saameyn ku yeelata isu socodka dadka iyo daadiidka,balse dadaalka maamulka gobolka Baanaadir uu ugu jiro bilic soo celinta ayaa horseeday in muuqaal ahaan waddooyinka bilicdoodi ay tahay mid soo jiidasho leh.
ย 
ย 
