Muqdisho (SONNA) Waxaa si rasmi ah uga furmay Golaha Murtida iyo Madadaallada munaasabadda lagu soo bandhigayo Waxqabadka Xukuumadda DanQaran ee lixdii bilood ee ay shaqeynaysey.
Munaasabadda ayaa waxaa ka qeyb galay Madaxweynaha Jamhuuriyadda Federaalka Soomaaliya Mudane Xasan Sheekh Maxamuud, Ra’iisul Wasaaraha XFS Mudane Xamse Cabdi Barre, Guddoomiyaha Golaha Shacabka Mudane Sheekh Aadan Maxamed Nuur, Ra’iisul Wasaare ku Xigeenka XFS Mudane Saalax Axmed Jaamac, xubnaha Golaha Wasiirrada, Xildhibaanno,Maamulka Gobolka Banaadir iyo qeybaha kala duwan ee bulshada.
Munaasabadda ayaa inta ay socoto waxaa dadweynaha ka soo qeyb galay ay su’aalo ka weydiin doonaan Xukuumadda DanQaran waxyaabihii u qabsoomay muddadii lixda bilood ee la soo dhaafay.
