Muqdisho-(SONNA)-Mudanayaasha labada aqal ee Baarlamaanka JFS ayaa xarunta Golaha Shacabka ku yeeshay kalfadhiga 7-aad, kulankiisa wadajirka ah ee labaad, waxaana shir guddoominayay Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe).
Kooramka kulanka oo ku furmay 140-mudane oo Golaha Shacabka ah iyo 27-Xildhihaan oo Aqalka sare ah ayuu ajendihiisu ahaa akhrinta koowaad ee warbixin maaliyadeedka sanadkii 2024, waxaana warbixinta mudanayaasha labada Aqal la wadaagay Wasiirka Wasaaradda Maaliyadda ee XFS Mudane Biixi Iimaan Cige.
Xildhibaanadda labada aqal ayaa suโaalo ku saabsan mabaadiiโda guud ee warbixintan weydiiyay Wasiirka Maaliyadda oo kulanka joogay maadaama warbixinta maanta akhrinta koowaad la marsiinayay oo aysan ka furnayn wax dood ah.
Guddoomiye Sheekh Aadan Maxamed Nuur (Madoobe) oo kulanka soo xiray ayaa faray Guddiga Maaliyadda ee labada Aqal inuu soo diyaariyo warbixinta akhrinta labaad si uu Golaha uga doodo.
