Muqdisho-Soomaaliy 03, October, 2025: Mudanayaasha Golaha Shacabka ee Baarlamaanka Jamhuuriyadda Federaalka Soomaaliya ayaa xarunta golaha shacabka ku yeeshay kalfadhiga 7-aad kulankiisa Tobanaad, waxaana shir guddoomineysay Guddoomiye kuxigeenka koowaad ee Golaha Shacabka Sacdiya Yaasiin Xaaji Samatar.
Xildhibaanadda ayaa ugu horreyn Akhrinta koowaad marsiiyey Hindise Sharciyeedka macaamilka Danabeysan oo ay soo gubdisay Wasaaradda Isgaarsiinta iyo Tiknoolojiyada.
maadaama hindise sharciyeedka uu marayey Akhrintiisa koowaad kama furneyn wax dood ah, sidaas daraadeedna Xildhibaano ka tirsan Golaha ayaa suโaalo ku saabsan saameynta miisaaniyadeed ee Hindise Sharciyeedka iyo muhiimada uu dalka u leeyahay weydiiyey masโuuliyiinta wasaaradda Isgaarsiinta iyo Tiknoolojiyada.
Guddoomiye kuxigeenka koowaad ee Golaha Shacabka Sacdiya Yaasiin Xaaji Samatar ayaa fartay Guddiga Warfaafinta, Boostada iyo Isgaarsiinta ee Golaha Shacabka inuu la wareego Hindise Sharciyeedka uuna soo diyaariyo Akhrintiisa labaad si uu golaha uga doodo.
Intaasi ka dib mudanayaasha Golaha Shacabka ee Baarlamaanka Jamhuuriyadda Federaalka Soomaaliya ayaa sii amba qaaday ka doodista mooshin ama soo jeedin ku saabsan in 14-ka October loo aqoonsado maalinta xusuusta Qaranka ee dhibanayaasha Argagixisada ee Soomaaliya, waxaana Xildhibaanadda Golaha Shacabka ay aragtiyadooda ka dhiibteen qodobada soo jeedinta ay Xildhibaanadda soo gudbiyeen.
Guddoomiye kuxigeenka koowaad ee Golaha Shacabka Baarlamaanka Jamhuuriyadda Federaalka Soomaaliya Sacdiya Yaasiin Xaaji Samatar oo kulanka soo xirtay ayaa fartay Xildhibaanadii mooshinka soo diyaariyey in ay kusoo daraan dooda iyo aragtiyada Xildhibaanadda, islamarkaana ay golaha kusoo celiyaan si uu goluhu qaraar uga soo saaro.
