U qaybsanaha Midowga Yurub Arrimaha Dibadda iyo Siyaasadda Josep Borrell ayaa sheegay in Midowga Yurub uu doonayo inuu kaalin ka gaysto sidii loo abuuri lahaa fursad sahlikarta in wada hadal iyo isfahan lagu dhameeyo xaaladda bariga badda Mediterranean-ka.
Hadalkan ayaa soo baxay kadib markii uu maalmo kahor soo dhamaaday shirkii wasiirrada arrimaha dibedda ee midowga Yurub oo ka dhacay magaalada Berlin ee dalka Jarmalka, iyagoo isku raacay in wadahgadal loo furo dalalka Turkiga iyo Giriiga oo xiligan ku muransan badda Mediterranean-ka.
Xiisadda cakiran ee badda Mediterranean-ka ayaa ka dhalatay kadib markii Dawladda Turkigu ay qayb kamid ah baddaas kasoo saartay gaaska dabiiciga ah, kaasoo dhaliyay muran xoog leh.
Waxaana wadamo badan oo ku teedsan Mediterranean-ka ay ku doodayaan in Dawladda Turkigu ay iska maamulatay khayraad ku jira baddaas oo ka dhexeeya dalal badan oo dugsada badda Mediterranean-ka.
