Muqdisho-(SONNA)-Maxkamadda sare ee JFS ayaa maanta u fariisaneysa dhageysiga 2-aad ee dacwadda Eedeysane Sayid Cali Macallim Daa’uud oo ku eedeysan in uu gubay Xaaskiisa Luul Sheekh Cabdicasiis bilowgii Sannadkaan, isla markaana ay u geeriyootay dhaawacii kasoo gaaray dabkaasi.
Dacwadaan ayaa soo martay Maxkamadda darajada 1-aad ee gobolka Banaadir iyo sido kale Maxkamadda Rafcaanka ee gobolka Banaadir, waxaana ay kusoo rideen xukun dil Toogasho ah eedeysane Sayid Cali Macallim Daa’uud.
