Muqdisho,(SONNA):-Maxkamadda Gobolka Banaadir qaybta ciqaabta Laanta tashiga ayaa ku dhawaaqaday xukunka kiis dacwadeedka ay Eedeysanayaasha ka ahayeen 11 sargaal oo ka kala howlgalayay qaar ka mid ah hay’adaha dowladda Soomaaliya kuwaas oo ay ku kala xukunta xukunno kala duwaan iyadoo qaar ka madi ahna xoriyadooda ay dib u heleen.
Kiisaska dacwadeeda ayaa ku qotomay oo xiriir lalahaa Musuq-maasuq,lunsasho hanti dadweyne,lacag dhaqid iyo sido kale dayacaadda masuuliyadii loo igmaday.
Xukunka maxkamada ayaa waxaa warbaahinta u akhiryay guddoomiyaha maxkamadda gobolka Banaadir waxaa ayna u dhacday sida tan:-
Cabdullahi Maxmuud Cosoble ayeey maxkamadda ku xukuntay 1-sano oo xabsi ah.
Cumar Macalin Nuur Cali ayaa lagu xukumay 1-sano oo xabsi ah.
Saabir Xasan Cabdi Nuur ayaa lagu xukumay 3-sano iyo lix bilood oo xabsi ah.
Cabdiraxmaan Cabdikariim Ibraahima, ayaa lagu xukumay 9-sano oo xabsi ah iyo joojinta qabshada xaafiis dowladeed.
Abuukar Maxamed Cali, ayaa lagu xukumay 8-sano oo xabsi ah sidoo kale waxaa laga joojiyay shaqo qabashada shaqo dowladeed.
Cabdiraxmaan Cabdikariim Ibraahima, ayaa lagu xukumay 9-sano oo xabsi ah iyo joojinta qabshada xaafiis dowladeed.
Abuukar Maxamed Cali, ayaa lagu xukumay 8-sano oo xabsi ah sidoo kale waxaa laga joojiyay shaqo qabashada shaqo dowladeed.
Maxamed Aadan Cabdullahi 8-bilood oo xarig ah.
Dhanka kale waxaa ay maxkamadda gobolka Banaadir xoriyadooda dib ugu celisay.
Aadan Maxamed Cabdi ayeey Maxkamadda ku wayday dhammaan Eedaha loo haystay waxayna siisay xoriyadiisa maxkamada gobolka Banaadir.
Cabdullaahi Maxamed Cali (Sultaan) ayaa isagaan waxaa ay dib ugu celisay xoriyadiisa oo ay wax danbi ah kuwayday maxkamada.
Maxamed Cadde Muqtaar, waxaa ay ku xukuntay ayaa isagaan waxaa ay dib ugu celisay xoriyadiisa oo ay wax danbi ah kuwayday maxkamada.
Cabdiwaaxid Muxsim Ibraahim,ayaa maxkamadda gobolka Banaadir dib ugu celisay xoriyadiisa isagoo maqane ah.
Cabduqaadir Cabdi Socdaal ayaa isagana maxkamadda waxay dib ugu celisay xoriyadiisa.
Waa markii ugu horeysay oo saraakiil lagu helay in ay ku dhaceen arrin la xiriirta Musuq-maasuq,lunsasho hanti dadweyne,lacag dhaqid iyo sido kale dayacaadda masuuliyadii loo igmaday ay maxkamadda gobolka Banaadir ku rido xukun nuucaan oo kale ah.
