Masagawaa, (SONNA) Waxaa magaalada Masagawaa ka dhacay kulan muhiim ah oo ay isugu yimaadeen xildhibaano, wasiiro, iyo saraakiil ciidan, si loo dardargeliyo howlgalada ka dhanka ah argagixisada.
Kulanka oo saxaafadda aan loo ogolaanin, ayaa diiradda lagu saaray kor u qaadidda dadaallada lagu ciribtirayo kooxaha argagixisada ee ku dhuumaaleysanaya miyiga, iyadoo la xoojiyay iskaashiga hayโadaha amniga iyo madaxda deegaanka.
Waxaa ka qeyb galay Xildhibaan C/risaaq Xusul, Wasiirka Dastuurka Galmudug Daa,uud Maxamed Maalin, Wasiirkii hore ee Diinta iyo Awqaafta Cumar Cali Rooble, Jeneraal Cabdullaahi Caraaye Cosoble (Gacma Duule), iyo saraakiil sare oo ka tirsan ciidanka xoogga dalka.
Masagawaa ayaa ah meel muhiim u ah abaabulka howlgalada lagula dagaalamayo argagixisada, waxaana kulankani muujinayaa dadaalka socda ee lagu xoreynayo gobolka Galgaduud
