Waajid-(SONNA)- Cutubyo ka tirsan qeybta 60-aad ee CXDS ayaa gurmad u fidiyay kolanyo Gaari dameerro ah oo ay Argagaxisada Al-shabaab kugubeen duleedka Degmada Waajid ee gobalka Bakool.
Gaari dameerrada ay gubeen Argagixisadu ayaa magaalada Waajid u siday Raashiin kala duwan iyo badeeco ay lahaayeen dad shacab ah.
Ciidanka oo ka jawaabaya qayladhaan kasoo gaartay duleedka magaalada Waajid ayaa halkaasi ka eryay malleeshiyadii gubtay raashiinka, iyagoo soo badbaadiyay dadkii watay gaadiidka ay debka qabadsiiyeen nabad-diidka, lana wareegay goobihii ay shacabka ku dhibaateynayeen.
