New York (SONNA): Madaxweynaha Jamhuuriyadda Federaalka Soomaaliya mudane Xasan Sheekh Maxamuud oo ay wehelinayaan ergada Soomaaliya iyo mas’uuliyiin kale oo dwladda ka tirsan ayaa ka qeyb-galay meertada 80-aad ee golaha guud ee Qaramada Midoobey oo maanta ka furmay New York.
Madaxweynaha ayaa golaha ka jeedin doona khudbad rasmi ah oo ku saabsan xaaladda dalka, isagoo soo bandhigi doona guulaha laga gaaray dagaalka ka dhanka ah argagixisada, dib u habaynta nidaamka dowladeed ee dalka, sida dhaqaalaha, dowlad-dhiska iyo hirgelinta doorashooyinka tooska ah.
