Baydhabo,(SONNA):- Madaxweynaha dowladda gobolleedka Galmudug Axmed Cabdi Kaariye ayaa gaaray magaalada Baydhabo ee caasimadda ku meel gaarka ah eeย dowladda gobolleedka Koonfur Galbeed Soomaaliya.
Madaxweynaha iyo wafdigiisa oo ka kooban xubno ka tirsan labada gole ee Galmudug waxaa garoonka diyaaradaha Shaati Gaduud kusoo dhaweeyay madaxweynaha KGS C/Casiis Xasan Maxamed (Laftagareen), goloyaasha dowladda, maamulka Baydhabo iyo qeybaha kala duwan ee bulshada.
Madaxweyne Qoor Qor ayaa magaalada Baydhabo kaga qeyb galayaย shirka Madasha Wadatashiga Qaranka oo lagaga arrinsanayo qaab dhismeedka amniga qaranka, hannaanka federaaleynta maaliyadda, doorashooyinka heer Federaal iyo heer dowlad-goboleed.
