Muqdisho-(SONNA)-Madaxweynaha dowlad deegaanka Soomaali Galbeed Mustafe Muxumed Cumar ayaa soo dhaweeyey go’aankii galaha wasiiradda XfS ee ay ku burburiyeen go’aan horay Ururka ONLY loogu aqoonsaday argagixo sanadkii 2017-kii, waxaana uu tilmaamay guul ummadda Soomaaliyeed in ONLY laga saaro liiska argagixisada.
“Waxaan si wayn u soo dhawaynayaa go’aanka Golaha Fulinta ee Jamhuuriyadda Soomaaliya ay ku buriyeen go’aan hore oo ururka ONLF loogu aqoonsaday inuu yahay urur argagixiso ah, gacan cadawna lagu galiyay halgamaa Abdikarim Sheikh Muuse (Qalbidhagax)” ayuu madaxweynaha dowlad deegaanka Soomaali Galbeed Mustafe Muxumed Cumar.
Madaxweyne Mustaf Muxumed Cumar ayaa ku tilmaamay go’aankii Ururka ONLY loogu aqoonsaday argagixiso inuu mid lagu dulmay shacabka dowlad deegaanka Soomaali Galbeed “Go’aankaas hore wuxuu ahaa ficil argagax galiyay shacabkii dulmanaa ee Deegaanka Soomaalida, xad-gudubna ku ahaa dhaqanka dawladnimo, ka Soomaalinimo iyo ka islaanimaba.”
Ugu dambeyn Mustaf Muxumed Cumar madaxweynaha Dowlad deegaanka Soomaali Galbeed aya yiri “Waxaa kale oo aan dhaleeceeynaynaa ficiladii lamidka ahaa ee Deegaano kale oo Soomaaliyeed cadaw ugu soo gacan-geliyeen halgamayaal Soomaaliyeed oo diidaanaa tacadigii lagu hayay dadkooda. Waxaan rajaynayaa in taariikhdaas madow ee uur-ku-taaladda leh, xiligii ay dhacaysayna aan dhaleeceeynay, cashir iyo cibro-qaadasho u noqoto cid walba oo xadgudbkaas samaysay”.
