Beledweyne-(SONNA)-Madaxweynaha Dowlad goboledka Hirshabeelle Mudane Cali Guudlaawe Xuseen oo uu wehliyo Madaxweyne ku xigeenka Dowlad goboledka Mudane Yuusuf Axmed Hagar ayaa maanta kulan la qaatay maamulka Gobolka Hiiraan iyo Guddoomiyeyaasha Degmooyinka Gobolka.
Madaxweynaha ayaa kulankaan warbixin uga dhageystay Masโuuliyiinta Maamulka Gobolka iyo kan degmooyinka, iyagoo ka warbixiyay xaaladaha nololeed ee ka jira deegaanada iyo degmooyinka Gobolka Hiiraan.
Gudoomiyaha Maamulka Gobolka Hiiraan Mudane Cali Jeyte Cismaan ayaa Madaxweynaha uga war bixiyay abaaraha baahsan ee ka jira Gobolka si gurmadย deg deg ah loogu sameeyo deegaanada ugu daran ee abaaruhu ka jiraan.
Madaxweynaha ayaa ballan qaaday in gurmad biyo dhaamin iyo gargaar la gaarsiin doono deegaanada iyo degmooyinka ay abaaraha ka jiraan.
Madaxweynaha ayaa ugu dambeyn faray Maamulka Gobolkaย in si deg deg ah uga shaqeeyaan amniga iyo xasilinta Magaalada Beledweyne si looga hortago kooxaha nabad diidka ee dhibaateeya Bulshada.
