Madax ka socota xafiiska Hantidhowrka Guud ee JFS oo ka qeyb galay shir caalami ah

Muqdisho,(SONNA):- 𝐗𝐚𝐟𝐢𝐢𝐬𝐤𝐚 𝐇𝐚𝐧𝐭𝐢𝐝𝐡𝐨𝐰𝐫𝐤𝐚 𝐆𝐮𝐮𝐝 𝐞𝐞 𝐉𝐅𝐒 ayaa ka qaybgalay Shir heerkiisu sarreeyo oo uu Midowga Afrika ku qabtay magaalada Lomé ee dalka Togo, kaas oo diiradda lagu saarayay “Maareynta Daymaha Dowladaha, sida Dib-u-habaynta iyo Sugidda Waxtarka Daymaha”.

𝐖𝐚𝐚𝐱𝐝𝐚 𝐇𝐨𝐫𝐮𝐦𝐚𝐫𝐢𝐧𝐭𝐚 𝐃𝐡𝐚𝐪𝐚𝐚𝐥𝐚𝐡𝐚, 𝐆𝐚𝐧𝐚𝐜𝐬𝐢𝐠𝐚, 𝐃𝐚𝐥𝐱𝐢𝐢𝐬𝐤𝐚, 𝐖𝐚𝐫𝐬𝐡𝐚𝐝𝐚𝐡𝐚, 𝐢𝐲𝐨 𝐌𝐚𝐜𝐝𝐚𝐧𝐭𝐚 𝐞𝐞 𝐆𝐮𝐝𝐝𝐢𝐠𝐚 𝐌𝐢𝐝𝐨𝐰𝐠𝐚 𝐀𝐟𝐫𝐢𝐤𝐚, ayaa shirka ku casuuntay wakiillo ka socday dalalka xubnaha ka ah Midowga Afrika, khubaro dhaqaale, iyo mihnadlayaal sare oo dhanka maamulka iyo maaliyadda ah.

XHGS waxaa shirkan ku matalay hawl-wadeen sare oo ka tirsan shaqaalaha Xafiiska, kaas oo si firfircoon uga qaybgalay doodaha aqooneed ee lagu falanqeynayay xaaladda daymaha dowladaha ee qaaradda, isla-markaana la isku weydaarsanayey khibradaha dalalka xubnaha ka ah Midowga Afrika.

Ka-qaybgalka Xafiiska Hantidhowrka Guud ee shirkan waxa uu muujinayaa dadaalka joogtada ah ee uu Xafiisku ugu jiro ka qaybqaadashada arrimaha istiraatiijiyadeed ee heer gobol iyo qaaradeed, si loo xoojiyo hufnaanta maaliyadeed, isla-xisaabtanka, iyo fulinta mabaadi’da maamul wanaagga.