Muqdisho-(SONNA)-Guddoomiye ku-xigeenka arrimaha bulshada iyo wacyi gelinta maamulka gobalka Banaadir, Cabdicasiis Cismaan Maxamed oo xalay kormeer ujeedkiisu ahaa u kuur gelid dhanka ganacsiga iyo isu socodka xilliyada habeenkii ah dadka ku nool Caasimadda gaar ahaan degamada Howlwadaag.
Waxaana kormeerka ku Wehliyay gudoomiyaha degmada Holwadaag, Bashiir Cabdi Maxamed, agaasimaha beeraha iyo dhireynta Gobolka Banaadir, Luqman Cali Macoow, taliyaha nabad-sugidda qeybta Weliyoow Cadde G/le, Maxamed Abdulkadir Shakiib.
Kormeerka ayaa sidookale ujeedkiisu ahaa in bulshada Caasimada looga digo roobabka xooggan ee la filayo inuu ka da,o Caasimadda.
Waxaa kale oo ka mid ahaa meelaha uu guddoomiye ku-xigeenka arrimaha bulshada iyo wacyi gelinta maamulka gobalka Banaadir Cabdicasiis Cismaan Maxamed kormeerka ku tagay suuqa weyn ee Bakaaraha qeybta dahablaha, isgooska Baar-ubax, Xamar-jadiid, iyo Warta Boondheere, wuxuuna kormeeray guddomiyaha meelaha biya dageennada ah isagoo sheegay in dhawaan laga qaban doono shaqo deg-deg ah.
