Muqdisho-(SONNA)-Guddoomiye Kuxigeenka Gobolka Banaadir ee Arrimaha Bulshada iyo Wacyigelinta Mudane, Cabdicasiis Cismaan Maxamed ayaa dhagax-dhigay xarunta Xirfadda Farsamada Gacanta ee Haweenka Degmada Shibis.
Munaasabada Dhagax-dhigga ayaa waxaa goobjoog ka ahaa Guddoomiyaha Ururka Haweenka Gobolka Banaadir Marwo, Jawaahir Maxamuud Jaamac (Baarqab) Guddoomiyaha Degmada Shibis Mudane Cali Soomaali, Guddoomiyaha Ururka Dhallinyarada Gobolka Banaadir, Ururka Haweenka Degmada Shibis iyo marti sharaf kale.
Xaruntan ayaa loogu tala-galay in Haweenka ay kusoo bandhigaan xirfadahooda Farsamada Gacanta, taas oo dhiirri gelin u noqoneysa Haweenka kale.
