Bacaadweyne (SONNA)- Maamulka Deegaanka Bacaadweyne oo faahfaahin ka bixiyay dagaal maanta ka dhacay halkaasi kasoo u dhaxeeyay dadka deegaanka iyo kooxda Argagixisada ah ee Al-shabaab.
Guddoomiyaha Bacaadweyne Axmed Daahir Macalin ayaa sheegay inay maleeshiyadu ay Hoobiyaal ku soo garaacday qaybo ka mid ah magaalada, balse aysan wax khasaaro ah ka soo gaarin dadka deegaanka oo ay doonayeen inay si kala sooc la’aan ah u beegsadaan.
Guddoomiye Axmed Daahir ayaa sheegay inay dadka deegaanku iska caabiyeen maleeshiyada Al-shabaab, oo ay horay dhawr mar dagaal ula galeen, si ay deegaankooda uga difaacaan gardarrada ay kooxdu ku doonayso inay dhulkaasi ku maamusho, dadkana uga qaado xoolo baad ah.
