Djibouti (SONNA)- Ku-simaha Safiirka Soomaaliya ahna Qunsulka Safaaradda Soomaaliya ee dalka Djibouti mudane Cabdiraxmaan Maxamed Hiraabe ayaa Madaxda Qaranka iyo guud ahaan shacabka Soomaaliyeed uga tacsiyadeeyay geerida ku timid Allaha u naxariistee Xildhibaan Cabdiraxmaan Caateeye oo dalka Djibouti ku geeriyooday.
Xildhibaanka oo ka tirsanaa Golaha Shacabka ayaa waxa uu in muddo ah ku xanunsanayay isbitaal ku yaala dalka Djibouti, halkaasi oo ugu dambeyntii maanta ku geeriyooday.
