Kooxaha Heegan iyo Dekedda fc oo galabta ku balansan garoonka Eng Yariisow

La wadaag cid kale

Muqdisho(SONNA)-Kooxaha Heegan iyo Dekedda ayaa galabta ku balansan garoonka Eng Yariisow Stadium, ciyaar qeyb ka ah horyaalka Somali Premier League.

Kulankan ayaa ah mid xiiso badan, waana ciyaartii 11-aad ee laga dheelo horyaalka Somali Premier League fasal ciyaareedkan 2019-20.

Kooxda ciidanka booliska soomaaliyeed ee Heegan ayaa kulankii ugu dambeyay waxey ka soo adkaatay naadiga Midnimo.

Difaacyasha horyaalka ee Dekedda ayaa ciyaartii ugu dambeysay waxey guul ka soo heshay Kooxda Gaadiidka.

Kooxda Heegan waxaa kulankan kaarka casaanka kaga maqan ciyaaryahanka Feysal, kaas oo kulankii ugu dambeyay roose loo tagay.

Labadan kooxood ayaa wada leh min afar dhibcood, taas oo ciyaarta xiiso u yeeleysa, midii badiso ayaa tagi doonta 7-dhibcood.

Kulankii ugu dambeyay ay labadan kooxod isku arkan horyaalkii la soo dhaafay waxaa 1-0 ku soo adkaatay naadiga Dekedda fc.

Ogeysiis ciyaarta:

Tartanka: Somali Premier League

Kooxaha: Dekedda Vs Heegan

Garoonka; Eng Yariisow Stadium

Maalinta: Arbaco

Taariikhda: 08-01-2020.

W/D: C/fitaax Naani.

 

La wadaag cid kale