Weerar ay ciidamada Israa’iil ku qaadeen Khan Younis ayaa lagu dilay ugu yaraan 38 qof oo ka soo jeeda hal qoys, oo ay ku jiraan 14 carruur ah.
Difaaca madaniga ah ee Gaza ayaa ka digay khasaare ballaaran ka dib markii millatariga Israel ay diqeeyeen dhismooyin badan oo ku yaal waqooyiga Gaza ee xerada qaxootiga ee Jabalia,kaas oo lagu tilmaamay xasuuq bahalnimo ah oo aad u weyn.
Dhanka kale,saddex wariye oo ka warramayay dagaalka ay Israa’iil ku hayso Lubnaan ayaa lagu dilay weerar ay Israa’iil la beegsatay guri ay degganaayeen oo ku yaalla degaanka Hasbaiyya ee koonfurta Lubnaan.
Weerarrada Israa’iil waxay ku dileen ugu yaraan 19 qof guud ahaan Lubnaan 24-kii saac ee la soo dhaafay, taasoo tirada guud ee dhimashada tan iyo markii uu dagaalka billowday Oktoobar 2023 ka dhigaysa 2,593.
Wafdi ka socda Israel ayaa u safri doona Dooxa Axadda ka dib markii Qatar iyo Maraykanku ay ku dhawaaqeen in wada-xaajoodayaashu ay ku kulmi doonaan caasimadda Qatar si ay isugu dayaan dib u bilaabidda wadahadaladii xabad joojinta.
Tirada dhimashada dadka reer Qaza ayaa mareysa ugu yaraan 42,847 ,halka dhaawaca lagu sheegay 100,544 .
