Muqdisho (SONNA)-Laanta qaabilsan arrimaha imtixaanaadka Qaran dalka Sweden ee Skolverket ayaa gabi ahaan joojisay imtixaanada qaranka heerka sare iyo kuwa aas-aasiga ah xaalada COVID-19 darteed.
Ardayda qaar ayaa aad u soo dhaweyay go’aanka lagu hakiyay imtixaanada, madaama aysan helin waxbarasho rasmi ah oo ku filan xili waxbarashada lagu qaadanayay qaab Online ah.
Wasiirka Wasaaradda Waxabarashada Sweden Anna Ekström ayaa sheegtay in macalimiinta ay heli doonaan fursado badan oo ay wax ku baraan ardayda.
Xisbiyada qaar ayaa dhaleeceyay go’aanka lagu joojiyay qaadista imitixaanaadka, madaama loo baahanyahay in la ogaado aqoonta ardayda sida ay aaminsan yihiin xisbiga Moderaterna .
