Gaalkacyo-(SONNA)-Ciidamada Booliska Maamullada Puntland iyo Galmudug ayaa xalay magaalada Gaalkacyo ka sameeyay howlgal amniga lagu sugayo.
Mas’uuliyiin ka tirsan Galmudug oo uu hoggaaminayo Guddoomiyaha koofurta Gobolka Mudug, Cabdiraxmaan Cali Diiriye Isxal ayaa booqasho ugu tagay Ciidanka howlgallada sameynayo.
Ciidamada oo aad u feejigan ayaa guri-guri u baarayay Xaafadaha Gaalkacyo iyo gaadiidka kala duwan ee magaalada.
Guddoomiyaha Gobolka Mudug Cabdiraxmaan Cali Diiriye Isxal, Wasiirka Warfaafinta Galmudug Axmed Shire Falagle iyo Suldaan Cabdinaasir Jaamac Seed ayaa ku bogaadiyay Ciidanka shaqada ay bulshada u haayaan, ayna wadajir uga hortagaan cidkasta oo sameyneysa amni darro.
