Burnley(SONNA)- Kooxda kubadda cagta Chelsea ayaa kulan ka tirsan horyaalka Premier League waxa ay caawa booqanaysa naadiga Burnley.
Chelsea ayaa eegeysa inay afar kulan oo xiriir ah guul ku soo gaarto meel ka baxsan garoonkeeda horyaalka Premier League markii ugu horreysay tan iyo bishii September sanadkii 2017-kii, marka ay u safrayaan garoonka Turf Moor oo ay halkaas kula soo ciyaarayaan kooxda uu hoggaamiyo macallin Dyche ee Burnley.
Ogeysiiska Ciyaarta:-
Tartanka: England – Premier League
Taariikhda: Sabti, 21 Okt 2019
Saacadda ay bilaabaneyso dheesha: 7:30 Fiidnimo xilliga geeska Afrika.
Garsooraha: Michael Oliver (England)
Garoonka: Turf Moor
Wararka Kooxaha:-
Kooxda Burnley ayaa soo dhoweynaysa Jack Cork iyo Ashley Barnes oo dib ugu soo laabanaya kuwaasoo ka yimid dhaawacyo garabka iyo gurmaaka ah.
Weeraryahan Chris Wood ayaa wajahaya tijaabooyin xilli dambe ah oo lagu xaqiijinayo haddii uu diyaar u yahay kulankan, maadaama uu dhaawac muruqa ah la dhibtoonayey, halka Danny Drinkwater uu dib u bilaabi doono tababarka buuxa todobaadka soo socda.
Laacibka khadka dhexe ee Chelsea, N’Golo Kante ayaa sii joogteyn doona maqnaanshihiisa kaddib markii uu dhaawac gumaarka ah ku seegay kulammadii ay guulaha ka gaareen Newcastle iyo Ajax.
Ross Barkley, Andreas Christensen iyo Antonio Rudiger ayaa sidoo kale ka maqnaan doona kooxda Blues.
Xaqiiqooyinka Ciyaarta:-
>- Burnley ayaa kaliya hal goor guuleysatay tobankii kulan ee ugu dambeeyey oo ay Premier League la ciyaartay Chelsea, waxaana kulammada kale ay kala kulantay 3 barbaro iyo 6 guuldarro, halka guul oo ay ka gaareen Blues waxa ay ahayd ciyaar ka dhacday garoonka Stamford Bridge bishii August sanadkii 2017, markaasoo ay uga badiyeen 3-2.
>- Chelsea ayaa gool dhalisay dhammaan tobankii kulan ee ay la ciyaareen kooxda Burnley – kooxaha aysan waligood ku guuldarreysan inay gool ka dhaliyaan tartankan oo ay Blues goolal ka dhalisay kulamo badan oo ay ka hortageen waa Portsmouth (14), Derby (14) iyo Wigan (16).
>- Tababaraha kooxda Chelsea ee Frank Lampard ayaa eegaya inuu guuleysto afar kulan oo xiriir ah horyaalka markii ugu horreysay xirfaddiisa macallinnimo, Bleus markii ugu dambeysay oo afar kulan oo xiriir ah Premier League ay guuleysatay waxa ay ahayd bishii September sanadkii 2018, macallin Maurizio Sarri ayaa markaan guul gaartay shantiisii kulan ee ugu horreeyey oo uu kooxda hoggaamiyey.
>- Burnley ayaa kaliya hal guul gaartay 25-keedii kulan ee ugu dambeeyey Premier League oo ay la ciyaartay kooxaha waa weyn ee “big six” la isku yiraahdo ama lixda sare, waxaana ay ka haysataa 1 guul, 6 barbaro iyo 18 guuldarro, halkaas guulnay waxa ay garoonkeeda Turf Moor kaga gaartay bishii Febraayo 2019 naadiga Tottenham oo ay kaga adkaadeen 2-1.
>- Xaqiiqdii kooxda Clarets ayaan shabaqeeda gool ka ilaashan 34-tii kulan ee ugu dambeeyey, iyadoo laga dhaliyey 75 gool.
>- Tammy Abraham iyo Mason Mount ayaa labaduba shabaqa soo taabtay mid kasta oo ka mid ah saddexdii kulan ee ugu dambeeyey Premier League oo ay Chelsea ku soo ciyaartay meel ka baxsan garoonkeeda (Away), ciyaaryahankii ugu dambeeyey Blues ee afar kulan oo xiriir ah shabaqa soo taabta waxa uu ahaa Diego Costa oo bishii December sanadkii 2016-kii, afar kulan oo xiriir ah goolal u dhaliyey Chelsea.
Shaxda Macquulka ah ee labada kooxood:-
