Muqdisho(SONNA)- ย Kulan ka tirsan horyaalka Somali Premier League ayaa galabta lagu wadaa inuu ka dhaco garoonka Eng Yariisow Stadium. Kooxaha Horseed iyo Gaadiidka ayaa ku coltami doona garoonka kubadda cagta Eng Yariisow, ciyaartan oo qeyb ka ah horyaalka Somali Premier League.
Kooxda kubadda cagta Horseed kulankii ugu dambeyay waxey guul 4-2 ka soo gaartay naadiga Raadsan.Halka kooxda Gaadiidka ay soo kala dirtay naadiga Rajo fc kadib markii ay ugu adkaatay 2-1.
Wiilasha Gaadiidka ayaa sanadkan waxey doonayaan iney meel wanaagsan kaga dhameystaan dhanka kala sareynta horyaalka Somali Premier League.
Naadiga cawo iyo maalin ee Horseed ayaa sanadkan dar dar xoogan ku socoto iyado rabto iney gacanta ku dhigto koobka horyaalka Somali Premier League.
Ogeysiis kulanka:
Tartanka: Somali Premier League
Kooxaha: Horseed Vs Gaadiidka
Garoonka: Eng Yariisow Stadium
Saacada: 3:30.
