Muqdisho.(SONNA):- Dagaalka ka dhanka ah Khawaarijta wejigiisa koowaad wuxuu ahaa mid cashar weyn loogu dhigay maleeshiyada Khawaarijta ah ee ku soo duushay dadka iyo Diinta Islaamka.
Horjoogayaasha Khawaarijta ah oo aan maanka ku hayn in carruurta ay qaldeen ee sida xaawada oo kale, dabka ugu shidaan in la loodin karo ayaa waagu ku baryay,maadaama dardaaranka carruurta soo siiyaan uu yahay kama soo laaban kartaan dagaalka ilaa aad soo dhimataan. Dagaalka ay qorsheysay Dowladda ee ay hoggaaminayaan ciidanka qaranka, sidoo kalena geesiyaasha shacabka Soomaaliyeed oo kacayย ay ku soo bandhigeen awoodooda iyo in ay iska dulqaadi karaan Khawaarijta ayaa tusay horjoogayaasha argagixisada in wixii maanka ay ku hayeen uu ahaa riyo maalmeed.
Wasaaradda Gaashaandhiga xukuumadda federaalka ayaa shaaca ka qaadday in wejiga koowaad dagaalka xoreynta Khawaarijta ah cagta lagu mariyay in ka badan saddex kun oo ay soo qaldeen Khawaarijta, sidoo kale, ku dhowaad afar kun oo kale ayaa la sheegay in ay ku dhaawacmeen dagaallada oo ay ku jiraan carruur yar yar oo ku jira xilligii ay wax-baran lahaayeen, laakiin Khawaarijtu ay ka qafaasheen waalidiintooda.
Sirdoonka Soomaaliya ayaa warbaahinta Qaranka u sheegay in horjoogayaasha ugu sareeyo Khawaarijta ay carruurtooda ku nool yihiin qaar ka mid ah wadamada caalamka iyagoo haysta nolol iyo waxbarasho heerkooda sareyso.
Sidoo kale, waxaa jira qaar ka mid ah xubnaha horjoogayaasha ee Khawaarijta ah oo carruurtooda iyo reerkooda u soo dira magaalooyinka nabadda ah ee dalka, iyagoo carruurtooda kala soo cararay in ay dagaallada galaan iyo in ay qaadaan fikradaha qaldan oo ay ku shubayaan carruurta Soomaaliyeed inteeda kale.
Xubno horay uga baxay maleeshiyadan markii ay arkeen sida ay Diinta uga been sheegayaan iyo dhaqankooda dadka ay ku qaldaan ayaa warbaahinta qaranka u xaqiijiyay in ay u soo joogeen horjoogayaal ay ka mid yihiin horjooge Abuu Muslim, Fuโaad Shoongole iyo Xuseen Cali Fiidow oo toos uga saaraya dagaallo kala duwan ilmo ay dhaleen, xubnahan ayaa inala wadaagay in horjooge Fuโaad Shoongole markii uu wiil uu dhalay ka soo saaray iyadoo uu socdo dagaal culus in si deg deg ah wiilkiisa uga soo baxo dhammaan deegaannada ay Khawaarijtu joogaan, iyadoo u jeedkiisu uuย ahaa inuusan mar dambe dagaal ku dhicin wiilkiisa. Warbaahinta qaranka ayaa ogaatay in wali xubnahan Khawaarijta ah deegaannada qaar ay ka wadaan qafaal iyo xoog ku qaadasho carruurta ah si u soo geliyaan dagaallada looga soo horjeedo iyaga.
Haddaba haddii ay Khawaarijtu u dagaallamayaan Diin sida ay sheegayaan maxay carruurtooda dalka uga saareen, maxay carruurtooda u geeyeen magaalooyinka nabadda ah ee dalka oo iyagu aysan joogin, maxayse sidii xaawadii oo kale dabka ugu shubayaan carruurta Soomaaliyeed oo aysan iyaguย dhalin?.
