Muqdisho (SONNA) Hay’adda Maareynta Masiibooyinka Qaranka ayaa maanta Safaaradda Shiinaha ee Soomaaliya kala wareegtay gargaar loogu talo galay dadka Soomaaliyeed ee danta yar.
Guddoomiyaha Hay’adda Maareynta Masiibooyinka Qaranka, Maxamuud Macalin Cabdulle ayaa deeqdan raashinka ah kala wareegay qunsulka safaaradda Shiinaha ee Muqdisho iyo mas’uul kale oo ka socda safaaradda.
Guddoomiyaha ayaa uga mahad caliyay Dowladda Shiinaha gargaarka, isla markaasna la gaarsiin doono dadka loogu talagalay ee danta yar.
Qunsulka Safaaradda Shiinaha ayaa sheegay in ay markasta u garab taagan yihiin Dowladda iyo Shacabka Soomaaliyeed, markasta ay wajahayaan xaalad adag.
