Muqdisho (SONNA)-Maareeyaha hayโadda duulista Rayidka Soomaaliyeed ayaa waxba kama jiraan ku tilmaamay wararka sheegaya in duulimaadyada garoonka diyaaradaha Aadan Cadde uu hakad ku yimid.
Mudane Axmed Macalin Xasan oo Warbaahinta Qaranka kula hadlayay garoonka diyaaradaha Aadan Cadde ee magaalada Muqdisho ayaa sheegay in howlihii duulimaadyada ee garoonka Aadan Cadde uu yahay mid weli socda, isla markaana aysan jirin wax hakad ah oo ku yimid adeegyadii ka socday garoonka.
โWarbaahinta qaar ayaa warbixin been abuur ah ka gudbiyay howlaha garoonka, balse waxaa bulshada u caddeynayaa in shaqada garoonka uu si caadi ah u socdo oo aysan jirin wax hakad ah oo ku yimid howlihii duulimaad ee garoonka diyaaradaha Caalamiga ah ee Aadan Caddeโ ayuu yiri mudane Axmed Macalin Xasan Maareeyaha Hayโadda Duulista Rayidka Soomaaliya.
Maareeyaha ayaa Warbaahinta qaar uga digay inay warar been ahuur ah ka faafiyaan howlaha hayโadda duulista Rayidka iyo shaqada ka socoto garoonka diyaaradaha caalamiga ah ee Aadan Cadde.
