Adis-Ababa (SONNA)- Dagaalka ka socdo gobolka Tigreega ee dalka Itoobiya, Qaramada Midoobay waxay ku baaqeysaa in la furo waddooyin loo maro afar xero qaxooti oo ay dagan yihiin Qaxooti Eritrean ah, kuwaas oo ku tiirsan gargaarka baniโaadamnimada ee Qaramada Midoobay.
Ann Encontre oo ah wakiilka Hayโadda UNHCR ee Itoobiya ayaa sheegtay inay aad uga walaacsan tahay xaaladda bina-aadamnimo ee ka sii daraysa ee dobolka Tigreega, taas oo ay ugu sii darrayso hayadda oo aan hadda awood u lahayn darrida ee ay in ay cunto iyo sahay gaarsiiso dadka u baahan, oo gaaraya 100,000 oo Eritrean ah.
โIn kastoo ay adag tahay in la qiimeeyo xaaladda dhulka ka jirta โ haddana ma aanan awoodin inaan la hadalno Shaqaalaheena gar gaarka 48-dii saac ee lasoo dhaafay โ waxaan ka baqdin qabnaa in dadka rayidka ah, oo ay ku jiraan qoxootiga, ay xabadu ย ka dhex-dhacdoโ Ayay tiri Ann Encontre.
โWaxaan ubaahanahay in si dag dag ah aan u helno wadooyin loo maro afarta xero qaxooti si aan awood ugu yeelano in gargaarka aan gaarsiino halkaasi,โ .
Qaxootigan ayaa inta badan ku sugan xadka Eriteriya ay la leedahay Itoobiya si ay uga baxsadaan dagaalka milatari ee aan xadidnayn iyo cadaadis gaar ah, waxaana ay ku jiraan goโdoon aad u balaaran oo dhinac walba leh.
