Muqdisho (SONNA): Afhayeenka wasaaradda gaashaandhigga dowladda FS Sheekh Abuukar Maxamed oo ka warbixiyey hawlgallada dalka looga xoreynayo Khawaarijta iyo khasaaraha lagu gaarsiiyey ayaa sheegay in degaanka Gerille oo hoos taga degmada Ceeldheer ee gobolka Galgaduud, waxayna halkaas ku dileen 12-dhagarqabe, halka dhaawac la gaarsiiyey labaatameeyo kale.
Sidoo kale afhayeenka ayaa xusay in hawlgal wadajir ah oo ay fuliyeen ciidanka xoogga dalka iyo daraawiishta Jubaland oo ka dhacay deegaanka Dasheeg-waamo waxaana lagu dilay horjooge lagu magacaabo Maxamuud Cali Xuseen oo ku magac dheer qayliyow ama Goobe.
Dhinaca kale ciidanka xoogga dalka ayaa hawlgal ay ka fuliyeen gobolada Gedo, Baay iyo Bakool ayey isku fureen waddo muhiim ah oo xiriirisa degmooyinka Luuq, Bardaale iyo Qansaxdheere.
Ahaayeenka ayaa xusay in xubno ka tirsanaa Khawaarijta ay isi soo dhiibeen, ka dib markii ay u adkaysan waayeen dagaalka ay kala kulmayaan ciidamada qaybahooda kala duwan.
