Muqdisho-(SONNA)-Guddoomiyaha Hay’adda Maareynta Musiibooyinka (SoDMA) Md. Maxamuud Macallin Cabdulle ayaa xarunta dhexe ee hay’adda kulan wax-ku-ool ah kula qaatay Madaxa Howlgalka IGAD ee Soomaaliya, Md. Maxamuud Kaarshe.
Kulanka ayaa diiradda lagu saaray sidii loo horumarin lahaa iskaashiga istaraatijiyadeed ee ka dhexeeya IGAD iyo SoDMA si loo xalliyo caqabadaha ku hor-gudban maaraynta khataraha musiibooyinka iyo dhisidda adkeysiga waara ee bulshada nugul.
Labada masuul ayaa muujiyay baahida loo qabo in la kordhiyo iskaashiga wadajirka ah ee lagu yareynayo saameynta musiibooyinka dabiiciga ah iyo kuwa dad sameyga ah, iyada oo la adeegsanayo khibradda iyo aqoonta labada dhibac.
