Muqdusho (SONNA): Guddoomiyaha Hay’adda Qaxootiga iyo Barakacayaasha Qaranka Marwo Safiya Hassan Mohamed ayaa kullan la qaadatay qaar ka mid ah hay’adaha Caalamiga ah ee xaquuqul Insaanka, kuwaas oo ay ka wada hadleen sidii loo xoojin daryeelka Barakacayaasha iyo Qaxootiga soo guryo noqday, iyo sidii looga mirra-dhallin lahaa dedaalada bani-aadano ee sacodka guud ahaan dalka.
Marwo Safiya ayaa dhammaan ka qeyb galayaasha kulanka uga warbixisay marxaladihii adkaa ee la soo maray iyo baahiyaha xooggan ee maanta haysta Barakacayaasha Soomaaliya iyo Qaxootiga soo guryo noqday, kuwaas oo ay tahay in deg deg looga jawaabo, gaar ahaan dhibaatooyinka iyo waxyeelada roobka iyo hooy la’aanta ee haysata Barakacayaasha.
Dhammaan ka qeyb galayaasha kulanka ayaa Isla qaatay in si wadajir ah loo wajaho xal u helida iyo daryeelka Barakacayaasha iyo Qaxootiga soo guryo noqday ee ku suggan dalka.
