Muqdisho,(SONNNA):- Guddoomiyaha Guddiga Madaxabannaan ee Dib-u-eegista iyo Hirgelinta Dastuurka Mudane Burhan Aadan Cumar ayaa Xoghayaha Guud ee Guddiga Madaxabannaan ee Dib-u-eegista iyo Hirgelinta Dastuurka u magacaabay Mudane Abdulkadir Mohamed Hassan “Madoobe”.
Sidoo kale Xoghayihii hore ee Guddiga Mudane Maxamed Deheeye Ismaciil ayaa asna loo magacaabay La-taliye Sare ee Arrimaha La-tashiyada Dastuurka.
Guddoomiye Burhan ayaa Xoghayaha Guud M.ne Abdulkadir iyo La-taliyaha M.ne Maxamed Deheeye mid walba Alle ugu baryey in uu u fududeeyo mas’uuliyadda loo igmaday.
Guddoomiyaha ayaa Agaasimihii hore ee Guddiga ugu mahadceliyey muddadii uu soo hoggaamineyey maamulka Guddiga.
