Muqdisho(SONNA):-Guddoomiye Ku xigeenka Bankiga Dhexe ee Soomaaliya Dr. Cali Yaasiin Sheekh Cali ayaa ka warbixiyay furitaanka laanta Bankiga Dhexe uu ka furay magaalada Dhuusamareeb ee Xarunta Galmudug,isagoo sheegay in goโaanka ay qateen kadib markii madaxweynaha JFS uu amray in adeega Bankiga uu bixiyo la gaarsiiyo dhammaan gobolada dalka.
Guddoomiye ku xigeenka wax uu sheegay in qorshaha furitanka xaruntan ay tahay heshiis xukuumadda ay la galeen sanadkii hore dhamaadkiisa, kaas oo dhigaya in shan xarumood (5) laga furo dhamman gobolada dalka si adeega loogu dhaweeyo shacabka,sidoo kalena shaqa abuur ay ka heli doonaan Bulshada degaanadaa ku dhaqan si looga qeyb qaato shaqa abuurka dhalinyarada Soomaaliyeed.
Waxa u sheegay xarumahasi ay sameyn doonaaย Cilmi baarisyo oo lagala socon doono dhaqaalaha dalka iyo markii lacagta Shilinka Soomaaliga la soo daabaco ay bulshadu ka heli karaan adeegyada ay u baahan yihiin, in lagu hago siyaasadda guud ee dhaqaalaha dalka,isgoo sheegay in xarunta xigta ee Bankiga ay ka furi doonaan degaannada Maamulka koonfur Galbeed Soomaaliya.
Guddoomiye Ku xigeenka Bankiga Dhexe ee Soomaaliya Dr. Cali Yaasiin Sheekh Cali waxa uu tilmaamay in saddaxda sanno ay qabsadeen ay ku hirgalin doonaan shanta maamul goboleed xarumo uu Bankiga dhexe halkaa ku yeelan doono howshaana ay socoto.
Mar laga weydiiyay suโaal ahayd adeegyada ay bixiyaan Bankiyada gaarka loo leeyahay ayuu sheegay in madamaa dalka uu ku biirayo Suuqa Ganacsiga xorta ah dowladu aysan yeelan karin Bangi ganacsi, Bankiga dhexe na uu la socodo dhaq-dhaqaaqa Bankiyada ganacsi ee dalka ka howlgalo wada shaqeyn fiicana ay ka wada dhaxeyso Bankiga dhexe ee dalka,isagoona sheegay in sidoo kale xarumaha gobolada u Bankiga ka hirgalinayo shaqaalaha ka shaqeynayo oo kooban tar-tan loo gali doono, balsa dadka degaanka kaliya ay u tar tami doonaan.
Bankiga Dhexe ee Soomaaliya ayaa wada howllo lagu ballaarinayo adeegyada uu shacabka u hayo iyadoo degaanada dhiman la hirgalin doono xarumo xusub oo uu Bankiga ku yeelan doono dhamaan gobolada dalka,si bulshada loogu dhaweeyo adeegyada ay u baahan yihiin.
