Muqdisho,(SONNA):- Guddiyada Miisaaniyadda labada Aqal ee Baarlamaanka Jamhuuriyadda Federaalka Soomaaliya oo ku guda jira diyaarinta iyo falanqeynta Xeerka Qoondada Miisaaniyadda Dowladda ee sanadka 2026, ayaa maanta kulan su’aalo waydiin ah ugu yeeray Wasiiradda Wasaaradaha Amniga Gudaha iyo Kalluumaysiga iyo Dhaqaalaha Buluugga XFS.
Kulankan su’aalo waydiinta ah oo ku saaabsanaa waxyaabaha ka jira iyo sababaha keena in dakhliyada ay qabtaan Wasaaradahan aan si buuxda loogu shubin Khasnadda Midaysan ee Dawladda, Suโaalahaas waxaa si faahfaahsan uga jawaabay Wasiirka Amniga Mudane Cabdullaahi Sheekh Ismaaciil fartaag iyo Wasiir ku xigeenka Kalluumaysiga iyo Dhaqaalaha Buluugga Madane Cali Ifiye oo bixiyay qancin buuxda oo ku aaddan hannaanka ay u maareeyaan dakhli-ururinta, iyagoo ballan-qaaday inay xoojinayaan wada-shaqeynta kala dhexaysa guddiyada si loo ilaaliyo hantida Qaranka.
Kulanka maanta waxaa si wadajir ah u guddoomiyay Guddoomiyaha Guddiyada Maaliyadda Golaha Shacabka Xildhibaan Cabdi Ibraahim Warsame Qowdhan yo ku simaha Guddoomiyaha ahna Guddoomiye kuxigeenka Guddiga Maaliyadda Aqalka Sare Senator Ibraahim Awgaab Cusmaan.
