Muqdisho-(SONNA)-Guddiga Arrimaha Bulshada Golaha Shacabka ee Barlamaanka Jamhuuriyadda Federaalka Soomaaliya ayaa kulan is xog wareysi ah la yeeshay madaxda wasaaradda waxbarashadda, Hiddaha iyo tacliinta Sare XFS oo ugu horreeyo wasiirka waxbarashadda mudane Faarax Sheekh Cabdiqaadir.
Guddoomiyaha Guddiga Arrimaha Bulshada Golaha Shacabka BJFS Xil. Nadra Saalax Cabdi ayaa shir guddoomineysay kulanka, waxaana madaxda wasaaradda waxbarashadda looga dhageystay kulanka Qorshe-howleedka guud ee wasaaradda Waxbarashadda.
Kulanka inta uu socday ayaa diiradda lagu saaray Qorsh-howleedka guud ee Wasaaradda, Shuruucda Hortebinta u leh ee u qorsheysan inay Wasaaradda horkeento Baarlamaanka, Xaaladaha guud ee waxbarashada Dalka iyo Deeqaha Waxbarashada iyo Dalalka ay nooga imaadaan.
Wasiirka wasaaradda waxbarashadda, Hiddaha iyo Tacliinta ee Xukuumadda Federaalka Soomaaliya Faarax Sheekh Cabdiqaadir oo ay wehliyaan wasiiru dowlaha iyo wasiirka ku xigeenka Wasaaradda ayaa uga warramay Guddiga xaaladda waxbarashada dalka, horumarada wasaaradda ay ku tallaabsanayso iyo hawlaha socda oo ay ka mid yihiin tababaridda iyo shaqaaleysiinta macalimiin gaaraya 3,000 oo ka qeybqaadan doono baahinta waxbarashada aasaasiga ah oo laga hirgelin doono dalka oo idil. Sidoo kale waxa ay wasaaraddu ka warbixisay deeqaha waxbarasho iyo hannaanka lagu bixin doono.
Ugu dambeyn Guddoomiyaha Guddiga Xil. Nadra Saalax Cabdi ayaa u mahadcelisay Wasiirka Wasaaradda waxbarashadda oo ka jawaabay dhammaan suโaalihii guddigu weydiiyay, waxaana la isla meeldhigay hirgelinta dhammaan waxyaabihi shirka looga hadlay kulamka.
