Diinsoor-(SONNA)-Guddiga Gurmadka Abaaraha Dowlad Goboleedka Koonfur Galbeed Soomaaliya ayaa maanta sahay raashin deeq ah gaarsiiyey degmada Diinsoor ee Gobolka Baay.
Guddiga Gurmadka Abaaraha Dowlad Goboleedka Koonfur Galbeed ayaa degmada Diinsoor ee Gobolka Baay gaarsiiyey 6,700KG oo cunto daruuri ah. Cuntadaas oo ka koobneyd Bur, Bariis, Sokor iyo Saliid.
Guddiga ayaa u mahadceliyay Hayโadda Cuntada Adduunka ee loo soo gaabiyo WFP xafiiskeeda Soomaaliya iyo Logistics Cluster oo ku taageertay in raashinka la geeyo Diinsoor.
Guddiga ayaa sidoo kale Mahad gaar u jeediyay Wasaaradda Arrimaha Gargaarka Soomaaliya oo waqti badan gelisay howshan fulinteeda.
