Muqdisho.(SONNA):- Sanado badan war iyo wacaal midna uma haynin waxa ka socda dunida, Bulshada Aadan-Yabaal iyo deegaannada kale ee kooxda Khawaarijta ah laga xoreeyay iyo kuwa fara ku tiriska ah ee hadda ay joogaan.
Khawaarijtu waxay deegaannada ay xukumaan ka mamnuuceen taleefanada casriga ah,sidoo kale, waxay ka xireen shirkadaha isgaarsiinta adeega internetka. Bulshada magaalooyinkaasina waa ay ku adkeyd in ay la socdaan waxa dunida ka jira.
โ Inta aan jiro oo aan noolaa ma arkin telefoon weyn oo leh shaashado, intaan joognay waxaan maqli jirnay internet ayaa la galaa, waxbaa la dhageystaa, intaas waligey ma arkin,โ ayuu yiri Axmed Maxamed oo ka mid ah dhallinyarada degmada Aadan-Yabaal.
Axmed Maxamed waxa uu ka mid yahay dhalinyarada kooxda argagixisada ah ee Al-shabaab ay dhowr jeer ku dhibaateeyeen isticmaalka meemoriga taleefoonka. Waxa uu ka sheekeynayaa Axmed gabood-faladii Khaawrijtu ay u geysteen intii uu ku noolaa degmada.
โ Meemoriga aan haysano inta ay naga jabshaan ayay laq na dhahayeen, hadda qof kasta oo meeshaan joogo maanta caloosheeda waxaa laga yaabaa in boqol meemori laga helaayo oo nimankaas cun siiyeen,meemoriga adigoo iska dhageysanaayo haddii xitaa uu kugu jiro Qurโaan ama wax kale wey kaa qaadayaan oo kaa jabinayaan, haddana inta ay labo u kala jabiyaan ayay inta ay biyo kuu keennaan waxay ku leeyihiin laq meemorigan oo adigoo lacag ka soo bixiyay,dhibaato badan ayaa ku qabnay intaan degmadan joognay,โ
Axmed hadda noloshiisa sidii hore waa ay ka beddelan tahay, waxaana adeegyada internetka u isticmaalaa si caadi ah. Internetka magaalada waa mid xawaare sare leh oo markii ay dowladda timid loo soo daayay iyo deegaannada kale ee laga xoreeyay Khawaarijta.
โ Haddii Dowladdii timid, maalintii nimankan naga tageen, maalintaa ayaa taleefan weyn oo qof sidato taleefoonada waa weyn ah noogu horeysay aragooda,โ .
Si Bulshada u indho tiraan, Khawaarijtu waxay qaadeen tallaabo fool xunย oo ay meelaha qaar ay kaga bur buriyeen xarumahii isgaarsiinta, halkaas oo ay markii dambe gudaha u galeen ciidanka xoogga dalka iyo kuwa dib u xoreynta deegaanka dibna loo soo celiyay shirkadii isgaarsiinta. Shacabkana ku diirsadeen.
Khawaarijta Al-shabaab ayaa dhibaato xooggan ku haysay shacabka ku nool deegaannada ay ku sugnaayeen, waxaana hadda taas beddelay oo lagu diirsaday howlgallada wadajirka ah ay qaadeen ciidanka qaranka iyo dadka deegaanka oo deegaanno badan looga xoreeyay argagixisada Al-shabaab.
