Muqdisho.SONNAโ Golaha Wasiirrada Xukuumadda Jamhuuriyadda Federaalka Soomaaliya oo maanta yeeshay kulankoodii toddobaadlaha ahaa ayaa ansixiyey shuruuc iyo heshiisyo muhiim u ah dalka.
Shirka golaha oo uu guddoomiyay Raโiisul Wasaaraha Xukuumadda JFS Mudane Xamsa Cabdi Barre ayaa sharciyada lagu meelmariyay waxaa ka mid ah Sharciga Ciqaabta Soomaaliyeed kadib markii uu kasoo gudbay la tashiyo balaaran oo lagala yeeshay culumada, bulshada rayidka ah iyo sharci yaqaano,iyadoo la waafajiyay diinta islaamka, dastuurka dalka, iyo xeerarka caalamiga ah ee dhanka xuquuqda aadanaha.
Golaha ayaa si qotodheer uga dooday sharciga dhismaha Hayโadda Maaraynta Deegaanka oo markii ugu horeysay uu dalku yeelanayo, xilli doorsoonka cimiladda uu sii xoogeysanayo, dalkana uu ka jiro xaaluf baโan.
Sharciyada iyo heshiisyada kale ee uu golahu ansixiyay waxaa ka mid ah
1.โ โ Heshiis Is-afgarad oo u dhexeeya Dowladaha Soomaaliya iyo Aljeeriya , kaas oo ku saabsan iskaashiga batroolka, gaaska iyo macdanta.
2.โ โ Hindise Sharciyeedka dhismaha Hayโadda Qaran ee Maareynta Deegaanka.
3.โ โ Hindise Sharciyeedka Sharciga Ciqaabta Soomaaliya.
- Axdiga Caalamiga ah Baadi-goobka iyo Samatabixinta Badda.{Axdiga Sar 1979}
- Axdiyada Geneva 12 August 1949 [Additional Protocols.
Dhinaca kale,golaha wasiirada ayaa dhagaystay warbixino la xiriira horumarada laga sameeyay amniga iyo arrimaha doorashooyinka, iyada oo ugu dambeyntii uu Raโiisulwasaare Xamse golaha faray in kaalin laga geysto hawlaha dhexdhexaadinta iyo nabadeynta colaadaha beelaha ee ka taagan qeybo ka mid ah dalka, waxaana hawshasi si gaar ah loogu xilsaaray wasaaradda Arrimaha Gudaha.ย 
