Muqdisho,(SONNA):- Taliyaha Ciidanka Xoogga Dalka, Sarreeye Gaas Odawaa Yuusuf Raage, ayaa maanta xarigga ka jaray dhismaha cusub ee Xarunta Taliska Guutada 6aad ee Qeybta 60aad ee Ciidanka Dhulka Xoogga Dalka, oo laga hirgeliyay magaalada Baraawe ee gobolka Shabeellaha Hoose.
Dhammeystirka dhismahan ayaa qeyb ka ah dadaallada joogtada ah ee lagu xoojinayo awoodda iyo hannaanka hoggaamineed ee Ciidanka Xoogga Dalka, si loo dardargeliyo isku-duwidda iyo hawlgallada amniga ee gobolka Shabeellaha Hoose iyo guud ahaan koonfurta dalka.
Ciidanka Xoogga Dalka waxay sii wadi doonaan dadaallada lagu xoojinayo amniga, dib u dhiska xarumaha talisyada, iyo xajinta guulaha laga gaaray dagaalka ka dhanka ah argagixisada, si loo xaqiijiyo amniga iyo xasilloonida guud ee dalka.
