Muqdisho (SONNA)-Gudoomiyaha Gobolka Banaadir ahna Duqa Magalada Muqdisho Cumar Maxamuud Maxamed (Cumar Filish) oo ay wehliyaan Wasiirka Gaashaandhiga Xukumadda Federaalka Soomaaliya Xasan Maxamed Cali (Amar-dambe) iyo Danjiraha Turkiga ee Soomaliya ayaa booqday Xarunta Tababarka Ciidanka ee TurkSom ee duleedka Magaalada Muqdisho.
Masuuliyiinta ayaana mid mid u kormeeray gudaha xarunta tababar ciidamada qalbka sida Soomaaliya ee Turkisom waxaana ay warbixin ka dhageysteen Saraakiisha xerada,waxaana ay uga mahadceliyeen dib usoo nooleynta awoodi ciidamada qalabka sida ee Soomaaliya iyo sidoo kale sida ay uga garab taaganyihiin qaranimada ummadda Soomaaliyeed.
Safiirka dowladda Turkiga ee u fadhiya Soomaaliya Amb Mehmet Yฤฑlmaz oo qeyb- ka ahaan masuuliyiinta waxaana uu sheegay in dowladda turkiga ay ka goโantahay garab istaaga shacabka iyo dowladda Soomaaliyeed.
โDowladda Turkiga waa ka goโantahay taageerada joogtada ah oo ay siiso shacabka iyo dowladda Soomaaliyeed waana sii wadi doonaa garab istaaga iyo dib udhiska Ciidamada qalabka sida โayuu ku daray Danjire Mehmet Yฤฑlmaz.
sidoo Wasiirka gashaandhiga ee Xukumadda Federaalka Soomaaliya Xasan Cali Maxamed (Amar-Dambe) iyo Guddoomiyaha gobolka Banaadir ahna duqa Muqdisho Mudane Cumar Maxamuud Maxamed (Cumar-Filish) ayaa kormeeray xarunta cusub oo ay dowladda Soomaaliya ugu talagashay in lagu tababaro ciidamada Qalabka sida โsi loo xoojiyo dhismaha ciidamada qaranka.
Ugu dambeyntii Wasiirka gashaandhiga iyo Duqa Caasimada ayaa uga mahadceliyay dowladda Turkiga garab istaagi dhismaha ciidanka qaranka Soomaaliyeed iyo sida ay wali uga goโantahay taageerada dhinacyada waxbarashada ,Caafimaadka iyo dib u dhiska Ciidamada qalabka sida.
