Muqdisho-(SONNA)-Guddoomiyaha Gobolka Banaadir ahna Duqa Magaalada Muqdisho, Yuusuf Xuseen Jimcaale (Madaale) ayaa sheegay in dhibaatada ay baraha bulshadu ku hayaan Caalamka oo idil ay ka jirto balse ay dowladaha awoodda leh ay xakameeyaan.
โAdduunka dhan ayay saameeyeen baraha bulshadu laakiin dowladaha waaweyn way xakameeyeen, haddaan Soomaali nahay kuwii qurbaha joogay iyo kuwii dalka joogay waxa ay doonaan ayay iskaga hadleenโ.
Guddoomiyaha oo ka hadlayay shirka Saameynta wararka been abuurka ah iyo kicinta colaaduhu ku leeyihiin nabadda iyo Xasiloonida ayaa intaa ku daray in dadkeennii qurbaha joogay iyo kii dalka joogay ay caadaysteen in ay ku hadlaan wixii ay doonaan, balse toosintooda ay masโuuliyad ka saran tahay dowladda, isagoo u mahad celiyay ciidamada ammaanka oo door weyn ka qaatay xakamaynta dadka fidnada ka abuuraya baraha bulshada.
Guddoomiye Madaale ayaa sheegay in damiirka aadmigu uu dhinto marka la waayo cid ka hadasho, cid diiddo ama ka hor timaadda xumaanta la faafinayo, wuxuuna rajo ka muujiyay fahamka haatan laga qaatay baahinta wararka been abuurka iyo waxyaabaha dhaacaya dhaqanka iyo caqiiddada.
