Jawhar-(SONNA)- Wasiiru-dowlaha wasaaradda waxbarashada Hir-Shabeelle Xilibaan Abuukar Xasan Abuukar iyo guddoomiyaha waxbarshada gobalka Sh/dhexe Abuukar Macalin Xasan ayaa kormeer hawleed ku tagay dugsiga Hoose dhexe iyo sare Horseed ee magaalada Jowhar.
Masuliyintaan ayaa mid mid u booqday fasllada dugsiga xilli aradada ay qaadanayeen daruustooda,waxayna la kulmeen macalimiinta iyo maamulka dugsiga, iyagoona kula dar daarmay in Ardada ku koontaroolaan casharada, islamarkaan imtixaanaadka billaha ay la soo wadaagaan wasaaradda maadaama dugsiga Horseed gacanta ay ku heyso wasaaradda waxbarshada Hirshabeelle.
Cabdullahi Maxamed Nuur oo ah maamulaha dugsiga hoose dhexe iyo sare ee Horseed ayaa ka mahad celiyay booqashada ay ugu tageen masuuliyiin wasaaradda waxbarshada Maamulka Hirshabeelle.
Wasiiru dowlaha wasaaradda waxbarshada Hirshabeelle Abuukar Xasan Abuukar ayaa ardada ka qalanjibisay dugsiga Horseed, kaalmaha horana ku soo baxay ka saacidi doonaan Jaamacado ay si lacag la’aan ah wax uga bartaan.
Dugsiga hoose dhexe iyo sare ee Horseed ayaa dhawaan waxaa la wareegay wasaaradda waxbarshada Hirshabeelle kaasi oo hadda in ka badan 500 arday si lacag la’aan ah ay wax kaga bartaan.
