Muqdisho:(SONNA)-Dr. Maxamed Maxamud Cali Fuje oo ah La-taliyaha Sare ee Wasaaradda Caafimaadka XFS ayaa bulshada u diray fariin wacyigelineed, si gaar ah dhalinyarada Soomaaliyeed maadama ay yihiin dadka ugu badan ee uu cudurka haleeley.
Dr Fuje ayaa ugu baaqay dhallinyarada in ay ku dadaalaan siyaabaha looga hortago caabuqa, oo ay Wasaradda caafimaadka horay u sheegtay sida in la kala fugaado, guryaha lagu ekaado, ama la xirto qalabka ka hortaga caabuqa Covid-19
Dr. “ha noqon dilaaga dahsoon/qarsoon’’, wuxuuna baaq dheer u diray bahda caafimaadka guud ahaan, gaar ahaan dhaqaatiirta Soomaaliyeed in ay ka qeyb qaataan wacyigelinta caabuqa. Waxaa uu sheegay in Cudurka Coronavirus uu Soomaaliya si weyn ugu baahaayo , islamarkaana maalinba maalinta ka dambeysa uu soo ridaayo dad cusub.
Waxaa uu sheegay in loo baahan yahay in si deg deg ah loo joojiyo in dadka ay isugu yimaadaan goobo ay ka mid yihiin Masaajidda si loo badbaadiyo Shacabka Soomaaliyeed.
