Muqdisho(SONNA):- Dowladaa Soomaaliya ayaa ku dhawaqaday in dagaal sacadihii la soo dhaafay ka dhacay deegaanka Iji ee gobolka Shabeellaha dhexe lagu dilay in ka badan 200 oo k tirsanaa kooxda khawaarijta.
Wasiir ku-xigeenka wasaaradda Warfaafinta, Dhaqanka iyo Dalxiiskaย XFS oo shir jaraaโid ku qabtay xarunta wasaaradda ayaa faahfaahin ka bixiyay howlgal ay iska kaashadeen ciidanka Xoogga Dalka, kuwa dib u xoreynta deegaannada, NISA iyo saaxiibbada caalamiga ah.
Wasiirka ayaa xusay in sacadihii ugu danbeeyay ay howlgallo ka dhan ah khawaarijta ay ka dhaceen dowlad gobolleedayada Galmudug, Hirshabeelle iyo Jubbaland. isagoo sheegay in howlgalka ugu danbeeyay u ka dhacay deegaanka Iji oo 23-km u jiraa magaalada Mahaday ee gobolka Shabeellaha dhexe halkaas oo lagu beegsaday koox ka tirsan maleeshiyadka Khawaarijta.
Howlgalkaan ayaa waxaa lagu dilay horjoogayaal ka tirsan maleeshiyada khawaaarijtaย kuwaas oo u qaabilsana Uruurinta lacagah baada ah,dhaca xoolaha deegaanka iyo dilaalka qorsheysan, horjoogayaasha lagu dilay howlgalka ayaa waxaa ay kala yihiin, Salaad Maxamuud Siyaad oo u qaabilsanaa uruurinta lacagaha baada ah ee gobolka Shabeellaha dhexe dadka deegaankuna ay si weyn u yaqaaneen, sidoo kale waxaa kamid ah horjooge Yusuf Cali Sheekh oo ahaa horjooge khawaarijta u qaabilsana magaalada Fiidow iyo horjooge Sandheer oo ah Taliyaha aagaas, horjoogaha afarad ayaa ahaa Xuseen dheere waxaanu ku xigeen u ahaa ย Salad Maxamuud Siyaad.
Howlgalkan ayaa waxaa lagu qabtay maleeshiyaad qaba dhaawacayo culus, kuwaas oo lala tacalayo xaaladooda caafimaad, waxaa sidoo kale ciidanka ku furteen 300 oo qori kuwaas oo iskugu jira hubka culus iyo kuwa fudud iyadoo ay halkaas ciidanku kula wareegeen daawooyin,cuntooyin iyo agaabkii kale ee ay isticmaalayeen khawaarijtu.
Dhanka kale howlgal ka dhacay Tuulo lagu magacaabo Afcad oo ka tirsan gobolka Hiiraan ayaa lagu dilay tiro khawaarij ah, iyadoo wali uu socdo howlgalka.
Hawlgalladan ayaa intii ay socdeen waxa ciidanka Qaranka uga shihiiday 5 askari halka sidoo kalena ay ku dhaawacmeen 7 askari.
