Muqdisho(SONNA):-Warsaxaafadeed kasoo baxay wasaaradda difaaca ee Maraykanka ayaa lagu sheegay in duqeyn cirka ah oo diyaaradaha Mareykanku ka fuliyeen Buuraleyda gobolka Bari ee dowlad goboleedka Puntland, ayaa lagu dilay Horjooge Bilaal-al-Sudani oo ahaaย hoggaamiyaha Daacish ee Soomaaliya.
Maraykanka ayaa sheegay in Al-Sudani ay la dhinten tobban kale oo kooxda ka tirsanaa,warka ayaa lagu yiriโ Maraykanku waxaa uu doonayey inuu qabto horjooge Bilaal balse maleeshiyaadka la joogay ayaa sameeyay falcelinโ.
Qoraal uu soo saaray Xoghayaha Difaaca Dalka Mareykanka Lloyd J. Austin ,isla markaana uu kaga hadlaayey hawlgalka Somalia,ayuu ku sheegay in tallaabadaasi ay ku dhaqaaqeen ciidamada cirka ay muujineyso sida Mareykanka ay uga go’an tahay ilaalinta khatarta argagixisada ee gudaha iyo dibaddaba.
Shabakadda caalamiga ah Al-Sudani waxa ay masโuul ka ahayd kobcinta joogitaanka sii kordhaya ee kooxda ISIS ee Afrika iyo maalgelinta hawlgallada kooxda ee dunida dhan, si gaar ah dalka Afgaanistaan.
Warsaxafadeedka ay soo saartay Wasaaradda Difaaca dalka Mareykanka ayaa lagu sheegay in ciidamada Mareykanka ay howlgal qorsheysan ku dileen 11 xubnood uu ka mid yahay Bilaal-al-Sudani oo ah hogaamiyaha Daacish ee Soomaaliya.
“Bishan January 25-keedii ayaa amar ka yimid Madaxweynaha, wuxuu milateriga Maraykanku uu hawlgallo gaar ah ka fuliyey Soomaaliya, halkaas oo lagu dilay xubno ka tirsan Daacish, oo uu ku jiro Bilaal-al-Sudani, oo ah hoggaamiyaha Daacish ee Soomaaliya, ahaana fududeeye muhiim ah oo ka tirsan shabakadda caalamiga ah ee Daacishโ ayaa lagu yiri warsaxafadeed uu soo saaray wasiirka difaaca ee Maraykanka Lloyd J. Austin III.
Dowladda Mareykanka ayaa sidoo kale sheegtay inuu wax khasaare ah soo gaarin ciidamadeeda, islamarkaana qorshaha howlgalka uu ahaa inay nolosha ku soo qabtaan Hoggaamiye Al-Sudani, hasa yeeshee ciidamadii la joogay hoggaamiyaha ay sameeyeen falcelin.
Qoraalka kasoo baxay Wasaaradda Difaaca Mareykanka ayaa sidoo kale lagu sheegay in Al-Sudani uu ahaa kobciyaha iyo joogitaanka sii kordhaya ee kooxda Daacish ee qaaradda Afrika iyo waliba maalgeliyaha hawlgalada kooxda ee adduunka oo dhan.
โTallaabadani waxay kor u qaadaysa ammaanka iyo bedqabka Maraykanka iyo saaxiibadiisa, waxayna ka tarjumaysaa sida ay nooga goโan tahay in aan Maraykanka ka ilaalinno khatarta argagixisada gudaha iyo debeddaba.โ ayaa lagu yiri war-saxaafadeedka ka soo baxay Wasaaradda Difaaca ee dalka Maraykanka, waxayna u mahaceliyeen laamaha ammaanka ee Dowladda Maraykanka, kwa sirdoonka iyo saaxiibada kale ee ka taageeray howlgalkaan lagu guuleystay.
Dawladda Maraykanka ayaa sheegtay inay hawlgalkan la socodsiisay dawladda Soomaaliya, sidoo kalena la taliyaha amniga qaranka ee Soomaaliya Xuseen Sheekh Cali oo ku sugan dalkan Maraykanka ayaa soo dhoweeyey hawlgalkaasi.
La taliyaha amniga qaranka ee Soomaaliya ayaa u sheegay VOA in dawladda Soomaaliya ay soo dhoweynayso in la ugaarsado hoggaanka sare ee kooxaha argagixisada ah ee ka dagaalama Soomaaliya, isagoo sheegay inkasta oo Daacish aanay saamayn badan ku lahayn, haddana ay suuro gal tahay in khatarta ururkaasi inuu soo weynaan karo.
Ciidammada fuliyay howgalkaasi ayaa waxaa lagu magacaabaa SEAL Team Six (ST6), ama ย loo yaqaanno Naval Special Warfare Development Group, ciidamadani gaarka ah waxaa ย loo yaqaanaa (DevGru),iyagooย magacaasi ay caan ku ahaayeen in ka badan nus qarni, waxayna, iyadooย howlgallo gaar ah ay ka fuliyeen meelo badan oo caalamka ka mid ah, waxaana laga xulaa xubnaha ka tirsanย militariga Mareykanka isalamarkana tababar gaar ah leh, fuliyana howlgallada qarsoodiga ah.
Haddaba maxay uga dhigan tahay Soomaaliya dilka Hoggaamiyahaasi?
Waxaan dhihi karnaa ama suโaashaasi jawaabteeda la ag dhihi karaa, waxay Soomaaliya uga dhigan tahay Qodxihi ku taagnaa Soomaalida oo mid mar laga siibaayo, waxaa kaloo jira inay ay Kooxdani dooneysay inay isku sii ballaariso Soomaaliya, islamarkaana ay xoog iyo saameyn ballaaran ku yeelato,kooxda Khawaariijta Daacish ayaa marar kale duwan ka geysatay dilal iyo falal burcadnimo qaar ka mid ah gobolada Soomaliya iyadooo uu geed fadhi uga ahaa falalkaas gurracan horjoogahan la dilay,dhinac kasta marka laga eego dilka horjooge Bilaal waxay Soomaaliya uga dhigan tahay nafis iyo naruuro Nololeed,dhinaca kalena waa qayb ka mid ahย dhibkii waa ina dhaafay, waxaana socda howlgallo lagula dagaalamayo dhammaan kooxha Argagixisada ah magaceey rabaan ha wateene.
Diyaariye C/laahi Ruush
