Muqdisho (SONNA)- Taliska ciidanka xoogga dalka oo gobolka Shabellada hoose ka bilaabay dhaqdhaqaaq cadawga looga xoreynayo degaannada ay kaga sugan yihiin gobolkaasi.
Deegaanka Awdeegle ee gobolka Shabeelaha Hoose ayay tegeen wafdi uu hogaaminayo Taliyaha Ciidanka Lugta ee Ciidanka Xoogga Dalka Jeneraal Cabdixamiid Maxamed Dirir, oo ay wehliyaan Maamulka Gobolka Hoose.
“Ciidanka qalabka sida waxa ay meel kasta ugu tegi doonaan cadowga shacabka Soomaaliyeed ee Al-Shabaab ee ku dhuumaaleysanaya meelo ka mid ah Gobolkaan, waxaana rajeynayaa in goor dhaw uu gobolka Shabeelaha Hoose noqdo meelaha loo dalxiis tego marka ciidanka ay deegaannadan ka ciribtiraan Kooxda Al-Shabaab” ayuu yiri Taliyaha ciidanka Dhulka.
Taliyaha ayaa bogaadiyay sida wanaangsan ee xilkasnimada leh ee ay ciidanka u gudanayaan waajibaadka Qaran ee ku aadan difaaca dalka iyo ka xoreynta cadowga dhibaateynaya shacabka.
