Muqdisho(SONNA)- Kooxda kubadda cagta Dekedda ayaa galabta guul muhiim ka gaartay naadiga Rajo kadib markii ay 2-0 ugu adkaatay, ciyaar qeyb ka aheyd horyaalka Somali Premier League.
Qeybtii hore ee ciyaarta ayaa lagu kala nastay bar-bardhac 0-0 ah.
Qeybta labaad marka dib leysugu soo laabtay labada dhinac ayaa waxay sameeyeen qaab ciyaareed aad u fiican, iyagoo abuuray fursado badan ee goolal loo filan karay.
Intaas kaddib kooxda Dekedda ayaa la timid 2-da gool ay ugu adkaatay, waxaana goolasha u kala dhaliyay xidigaha kala ah Khadar iyo Cabdimajiid.
Ugu dambeyn ciyaarta ayaa waxay ku soo dhamaatay 2-0, taas oo ka dhigan in kooxda Dekedda ay hogaanka horyaalka ay sii dhiireysatay iyado iminka leh 10-dhibcood.
