Muqdisho.(SONNA):- Dagaal u dhaxeeya maleeshiyaad ka wada tirsan khawaarijta ayaa hadda ka socda degaan lagu magacaabo Caliyaalo oo dhanka galbeed ka xiga degmada Xarardheere ee gobolka Mudug.
Dad goobjoogayaal ah ayaa warbaahinta qaranka u sheegay in muddo dhowr saacadood ah uu dagaalku socdo, waana dagaalkii labaad oo muddo 12-saac gudahood ah khawaarijta ku dhex mara degaannada ku teedsan Xarardheere.
Khilaaf soo shaac baxay oo xoogaystay ayaa ka dhex qarxay kooxda khawaarijta ah ee ku dhuumaalaysanaya degaannada Galmudug.
Kooxda Khawaarijta oo ku jabtay dagaalada ka dhanka ah ee ka socda dalka ayaa hadda bilaabay in ay dhexdooda is hiifaan, khilaafaan kala dhuumasho iyo shaki soo kala dhex galo.
